Indege nto yo mu bwoko bwa ‘petit porteur’ y’Ikigo cy’igihugu gishinzwe kubungabunga ibidukikije (ICCN) muri Congo, yakoreye impanuka ahitwa Katale, muri Teritwari ya Rutshuru, ho mu Ntara ya Kivu y’Amajyaruguru kuri uyu wa Gatatu itariki 18 Ugushyingo 2020.
Umupilote wari utwaye iyi ndege yahise apfa mu gihe abantu bane bari aho yaguye bakomeretse nk’uko bitangazwa na Joël Wengamulay , ushinzwe itumanaho muri Pariki y’Igihugu ya Virunga.
Avugana n’urubuga, 7SUR7.CD, uyu yagize ati: “Ndemeza aya makuru. Hapfuye umuntu umwe, umupilote n’abandi bantu bane bakomeretse bari ku butaka.”
Yongeyeho ko iyi mpanuka yabaye mu gitondo cyo kuri uyu wa Gatatu abakomeretse bakaba bahise bajyanwa kwa muganga.
