Umushakashatsi mu bijyanye n’imiti wo muri Repubulika ya Demukarasi ya Congo uherutse kwemeza ko yakoze umuti w’icyorezo cya Covid-19, Flaubert Batangu, yapfuye.
Amakuru dukesha Actualité avuga ko Batangu wari ufite imyaka 79 y’amavuko yapfiriye mu bitaro by’i Kinshasa yari arwariyemo ibyumweru bibiri, mu ijoro ryo ku wa 4 Werurwe 2021 azize kanseri y’umwijima.
Mu ntangiriro za Mutarama 2021 ni bwo Batangu yatangaje ko yakoze umuti w’iki cyorezo, awita Manacovid, avuga ko yizeye ko wakora ashingiye ku magerageza yakoreye ku barwayi bagera kuri 300.
Yatangaje ko aya magerageza yayakoreye ku masite atatu yigenga aba barwayi bari bacumbikiwemo, nyuma yo kunywa uyu muti bigaragara ko batakirwaye iki cyorezo.
Mu gihe Batangu yari akomeje amagerageza yagombaga kwemeza uyu muti mu buryo budasubirwaho, Guverinoma ya RDC biciye muri Minisiteri y’Ubuzima, yamusezeranyije kumufasha, mu gihe waba wemejwe ikawuha abarwayi bose ba Covid-19.
Uyu muganga yari umwe mu bahanga mu bumenyi bw’imiti RDC ifite. Yakoze imiti nka Manadiar wa Diarrhée na Manalaria wa Malaria yemejwe n’inzego z’ubuzima, ikanashyirwa ku isoko mu 1981 n’1984.
Kurikira ibiganiro n’amavidewo binyura kuri Bwiza TV
2 Responses
RDC: Muganga uherutse ‘gukora’ umuti wa Covid-19 yapfuye
Baramuhitanye abazungu ntibakina. Nibyo mpamvu Covid ariyo kwibazwaho
RDC: Muganga uherutse ‘gukora’ umuti wa Covid-19 yapfuye
Baramuhitanye abazungu ntibakina. Nibyo mpamvu Covid ariyo kwibazwaho