Urukiko rwa Gisirikare rw’Intara ya Kivu y’Amajyepfo muri Repubulika Iharanira Demokarasi ya Congo, rwakatiye igifungo cy’imyaka 10 Maj Lénine Kizima Sabin wahoze ari umuyobozi mu mutwe wa FDLR, nyuma yo guhamwa n’ibyaha byibasiye inyoko muntu.
Ni ibyaha uyu mugabo yakoreye mu Burasirazuba bwa Repububulika Iharanira Demokarasi ya Congo.
Maj Lénine Kizima yari akurikiranyweho ibyaha birimo gufata ku ngufu, ubwicanyi, ubwambuzi n’ubusahuzi.
Ni ibyaha byakorewe abasivile barenga 500 hagati ya 2004 na 2006, muri Teritwari ya Shabunda ho mu ntara ya Kivu y’Amajyepfo.
Muri 2015 Urukiko rwa Gisirikare rwa Bukavu rwari rwakatiye Maj Kizima igifungo cya burundu mu 2015, gusa abamwunganira barajurira.
Nyuma y’imyaka ibiri urubanza rwe ruburanishwa n’Urukiko rwa gisirikare rwa Kivu y’Amajyepfo, ku wa Kabiri w’iki cyumweru ni bwo yagabanyirijwe igifungo, ahabwa igihano cyo mu rwego rwa kabiri kingana n’imyaka 10.
Lenin Kizima Sabin yatawe muri yombi muri 2012, akaba amaze imyaka 12 afungiye muri gereza nkuru ya Bukavu.
