Rubavu: Abayobozi bavuga ko hakiri aboshya abaturage kubyara bagamije kuzuza isi

311

Nyuma y’uko bigaragaye ko u Rwanda ari kimwe mu bihugu bikirangwamo ibibazo by’imirire mibi, abayobozi batandukanye bahagurukiye iki kibazo ndetse banashakisha uburyo cyacika burundu.

Ni muri urwo rwego mu muhango wo gutangiza icyumweru cyahariwe ubuzima bw’umubyeyi n’umwana mu Rwanda abaminisitiri barimo uw’ubuzima, Diane Gashumba ndetse na Minisitiri w’Uburinganire n’Iterambere ry’Umuryango Nyirasafari Esperance basuye abaturage ba Nyamyumba mu karere ka Rubavu babaganiriza kuri iki kibazo ariko banabasaba kwirinda ababoshya ngo babyare bororoke buzuze isi.

Mu kiganiro aba bayobozi bagiranye n’abaturage bo muri kariya karere, Minisitiri Dr Gashumba yavuze ko hari abayobya abaturage bababuza kuboneza urubyaro.

Yagize ati “kubyara abana benshi ni bimwe mu bishobora gutuma umubyeyi atakaza ubuzima. Iyo rero umubyeyo abyaye abana benshi, ageza igihe akananirwa gukora indi mirimo yo mu rugo. Niyo mpamvu uzakomeza gushuka umuturage ngo nakomeze abyare, azamusubize ngo “uzamfasha no kubarera?”

Minisitiri Gashumba yagaragaje ko u Rwanda ruri mu bihugu bya mbere byagabanyije imfu z’abana n’ababyeyi, aho 91% by’abagore babyarira kwa muganga, naho abana 93% bakaba bakingirwa ariko ikibabaje hakaba uko hakiri umubare munini w’abana bagwingira.

Yagaragaje ko uku kugwingira bitera ahanini no kubyara abana benshi bityo bakabura ikibatunga.

Yanaboneyeho kandi umwanya wo gusaba abanyarubavu kurangwa n’isuku mu byo barya ‘aho batuye, ndetse bakanitabira gahunda yo kuringaniza urubyaro.

Musubize:

Tanga igitekerezo
Andika amazina