Kuri uyu wa gatandatu tariki ya 02 Mata 2022, mu karere ka Rubavu (Gisenyi )- kuri Kivu Park Hotel, hategerejwe igitaramo gikomeye kiswe “Fans Hangout Party “ kizahuriramo ibyamamare bivuye mu bice bitandukanye byiganjemo abahanzi bagezweho muri iki gihe n’aba DJ batandukanye bose bazasusurutsa abazakitabira.
Iki gitaramo kizasusurutswa n’abaririmbyi bagezweho muri iki gihe barimo Kenny Sol, Papa Cyangwe, Afrique,Okkama, Malizuku na MC Buryohe. Kizitabirwa kandi n’aba batandukanye barimo DJ Cyusa, Dj Ramses, Dj Dan, Dj DiddyMan, DJ Traxx, Dj Theo na Dj Roxy.
Umuyobozi wa Kivu Park Hotel, Francois Sebasinga, yatangarije bwiza.com ko abazitabira iki gitaramo bazashimishwa muryo batigeze babona , harimo kuririmbirwa n’abaririmbyi b’ibyamamare, aba DJ batandukanye , kunyura kuri Red Carpert banifotoza n’utundi dushya bazahabonera.
Avuga ko nubwo iki gitaramo cyateguwe na Kalisimbi Events , nabo ari uburyo bwiza baba babonye bwo kwita ku bagana Kivu Park Hotel nkuko basanzwe, aho biteguye kubakira mu buryo bushimishije kandi bakagabanyirizwa ibiciro.
Kwinjira muri iki gitaramo ni amafaranga ibihumbi 5000 ahasanzwe, 10000 muri VIP ndetse na 50.000 ku bantu batandatu kuri table. Kuba zaba bavuye hirya no hino nko muri Kigali bazagenerwa uburyo bwo kuhagera burimo Imodoka yo kugera i Gisenyi, Icumbi , ifunguro rya mu gitondo, irya saa sita, irya ninjoro , gutembera mu bwato no kujya ku Mashyuza ndetse na tike yo kwinjira mu gitaramo.
Amafoto Kivu Park Hotel
