Minisiteri y’Ubuzima mu Rwanda kuri uyu wa 13 Mata 2020 yatangaje ko abantu 42 bamaze gukira indwara y’icyorezo ya Covid-19.
Ni mu gihe itangaza ko ubu abantu 127 ari bo bamaze kwandura nyuma y’aho kuri uyu munsi habonetse undi murwayi umwe wari uherutse gukorera ingendo mu bihugu bitandukanye.
Uyu murwayi rukumbi yabonetse mu bipimo (sample) 901 byafashwe kuri uyu wa 13 Mata wabonetsemo abakize 17, biyongereye kuri 25 batangajwe mbere.
Ibi bisobanuye ko abakiri mu bitaro bitabwaho ari 85 kandi abenshi nta bimenyetso bya Covid-19 bakigaragaza ndetse nta n’urembye.
