Perezida wa Repubulika Yunze Ubumwe ya Tanzania akaba n’Umugaba w’Ikirenga, Samia Suluhu Hassan, yinjije abofisiye bashya 118 mu ngabo z’igihugu.
Umuhango wo kwinjiza aba bofisiye mu ngabo wabereye ku ishuri rikuru ry’igisirikare riherereye Monduli riri mu ntara ya Arusha, kuri uyu wa 22 Ugushyingo 2021.
Ashingiye ku ngingo y’148 yo mu Itegekonshinga, mu mutwe wa 29 urebana n’itegeko rigenga igisirikare, Perezida Samia yahaye aba bofisiye ipeti rya Lieutenant.
Yagize ati: “Mbinjije nk’abofisiye mu ngabo za Repubulika Yunze Ubumwe ya Tanzania, ku ipeti rya Lieutenant guhera kuri uyu wa 22 Ugushyingo 2021.”
Aba bofisiye bashya bagizwe n’abasore 99 n’abakobwa bari bamaze imyaka irenga gato itatu biga amasomo y’igisirikare muri iri shuri, kuko binjiyemo tariki ya 5 Ugushyingo 2018.
