Icyamamare ku mbuga nkoranyambaga Mbabazi Shadia uzwi Shaddyboo yatunguye abana 35 bahoze baba ku muhanda arabatumira baza mu rugo iwe barasangira.
Ni igikorwa cyabaye kuri iki Cyumweru tariki ya 25 Ukwakira 2020. Ubusanzwe bimaze kumenyererwa ko Shaddyboo ategura bene iki gikorwa ku munsi we w’amavuko cyangwa ku yindi minsi mikuru yo mu Idini ya Islam.
Ubwo yaherukaga gukora iki gikorwa hari muu munsi Eid Al Fitr, aho yasangiye n’abana b’i Nyamirambo.
Shaddyboo yavuze ko aba bana baba mu buzima bugoye cyane, ari nayo mpamvu bagombwa kwerekwa urukundo.
Shaddyboo amaze iminsi mike atangije ubucuruzi bw’ibyo kurya yise “Love on Plate” bivugwako ari nabwo bwoko bw’ibyo kurya yazimaniye abana 35 bari bamusuye kuri iki Cyumweru.
