Shampiyona y’Abataliyani iyoboye izikomeye ku Isi! Dore 10 za mbere

Ishyirahamwe mpuzamahanga ry’ibarurishamibare n’amateka ku mupira w’amaguru (IFFHS), ryashyize shampiyona y’Abataliyani (Serie A) ku mwanya wa mbere muri shampiyona z’umupira w’amaguru zikomeye ku Isi.

Urutonde rwashyizwe ahagaragara rwerekana uko shampiyona zikurikirana muri 2021, rushyira Serie A ku mwanya wa mbere nyuma y’imyaka 14 iyi shampiyona idafata uriya mwanya.

Shampiyona y’Abataliyani yaherukaga kuyobora Isi hagati ya 1991 na 2006, mbere y’uko shampiyona y’Abongereza n’iya Espagne ziyigaranzura.

Bijyanye no kuba Ubutaliyani bufite amakipe atatu muri arindwi ya mbere akomeye ku Isi muri ruhago, bibuhesha kuyobora shampiyona zikomeye ku Isi, bugakurikirwa n’Ubwongereza cyo kimwe na Brésil.

Shampiyona ya Espagne yari iyoboye Isi hagati ya 2010 na 2018 iri ku mwanya wa kane, iy’Ubudage ikaza ku mwanya wa 10; mu gihe iy’Abafaransa ari iya karindwi inyuma y’iya Portugal.

Ku mugabane wa Afurika shampiyona ya Misiri ni yo ya mbere ikomeye igakurikirwa n’iya Maroc, mu gihe iya Tanzania iza ku isonga muri Afurika y’Iburasirazuba.

Urutonde rwa shampiyona 10 za mbere zikomeye ku Isi muri 2021