Umusesenguzi wa politiki akaba n’umuherwa, Frank Gashumba yatangaje ko umukobwa we Sheilah Gashumba atigeze na rimwe agendera muri taxi zitwara abanutu mu buryo rusange kuva yavuka.
Mu kiganiro yagiranye kuri Radio 4, Gashumba yavuze ko yakoze uko ashoboye kose kugira ngo abana be bagire ubuzima bwiza kandi bitandukanye n’ubuzima we ubwe yanyuzemo.
Frank Gashumba yagize ati: “Narahiriye ku izina ry’Imana, umukobwa wanjye nta na rimwe yigeze agendera muri taxi. Icyo yigeze kwifashisha cyegereye taxi ni imodoka y’ishuri igihe yigaga i Kabojja.”
Yavuze ko Sheilah Gashumba yigeze kandi gukoresha Scandinavian Express incuro imwe gusa mu rugendo rwihariye, ariko atigeze akandagira muri taxi isanzwe.
Gashumba yasobanuye ko ibi atari ukwiyemera ahubwo ari ukugaragaza uko yaharaniye imibereho myiza y’umukobwa we. Yavuze ko we ubwe yakoresheje taxi kenshi mu buzima bwe, ariko yashakaga ko abana be bagira amahirwe yo kubaho mu buryo bwiza kurusha uko we yabayeho.
Iyi mvugo ye yakomeje gukurura impaka ku mbuga nkoranyambaga aho bamwe bayishimye nk’urugero rw’umubyeyi wita ku bana be mu gihe abandi bagaragaje ko ashobora kuba yivuga imyato.
