Perezida wa Tanzania, John Pombe Magufuli mu gitondo cy’uyu wa 21 Gicurasi 2020 atangaje ko abitegura gukora ibizamini bya leta basubira ku ishuri, ibiro bigafungurwa, imikino ndetse n’ibikorwa by’ubukerarugendo bigasubukurwa bitarenze tariki ya 1 Kamena 2020.
Magufuli ati: “Indwara ya Corona ntikereze uru rubyiruko. Ni yo mpamvu abanyeshuri bose biga mu wa Gatandatu basubira ku ishuri kuva tariki ya 1 Kamena. Andi mashuri abanza n’ayisumbuye, twihe agahe gato.”
Indege zitwara ba mukerarugendo zizatangira kwemererwa kwinjira muri Tanzania guhera tariki ya 27 Gicurasi cyangwa iya 28. Uyu Mukuru w’Igihugu avuga ko n’ikimenyimenyi hari benshi bamaze kwaka ibyangombwa byo kwinjira muri iki gihugu. Ni amahirwe atagereranywa kuri Magufuli, ati: “Ntabwo twasubiza inyuma ayo mahirwe.”
Ku kijyanye n’isubukurwa ry’imikino itandukanye, Perezida Magufuli yavuze ko atarumva umukinnyi wishwe n’iki cyorezo, bityo nayo isubukurwa uko kwezi gutangiye.
Ifungurwa n’isubukurwa ry’ibi bikorwa rijyanye n’icyizere Perezida Magufuli afite ko iki cyorezo cyagabanutse muri Tanzania. Gusa ngo ntibyabuza gukomeza gufata ingamba zo kugikumira. Yibukije inzego zirimo Minisiteri y’Ubuzima kugihagurukira no gushishoza kuko ari urugamba nk’izindi.
4 Responses
Tanzania: Amashuri n’ibiro birafungurwa, imikino n’ubukerarugendo bisubukurwe
Nibavungur
Tanzania: Amashuri n’ibiro birafungurwa, imikino n’ubukerarugendo bisubukurwe
Nibavungur
Tanzania: Amashuri n’ibiro birafungurwa, imikino n’ubukerarugendo bisubukurwe
Nibyo byiza
Tanzania: Amashuri n’ibiro birafungurwa, imikino n’ubukerarugendo bisubukurwe
Nibyo byiza