Perezida Donald Trump wa Leta Zunze Ubumwe za Amerika yasibye bwangu ubutumwa bwateje impaka yari yashyize ku rubuga nkoranyambaga rwe rwa Truth Social buri kumwe n’ifoto ye yigize nk’umukiza Yesu Kristu.
Iyo foto yakozwe hifashishijwe ubwenge buhangano (Artificial Intelligence, AI), yagaragazaga Trump Ameze nkaho arimo gukiza umurwayi uryamye ku gitanda mu bitaro.
Ni ifoto yatumye Perezida yamaganwa mu buryo bukomeye n’impande zombi zo muri politike ya Amerika (abayoboke b’ishyaka ry’abarepubulikani n’abo mu ishyaka ry’abademokarate), harimo na bamwe mu basanzwe bashyigikiye cyane Trump.
Ubwo butumwa bwaje hashize amasaha Trump atangaje ubutumwa burebure yibasira Papa LĂ©on XIV, wanenze cyane intambara ya Amerika na Israel muri Iran.
Trump yemeye ko yashyize ahagaragara iyo foto, abwira abanyamakuru ko yatekerezaga ko iyo foto nka we ari umuganga.
Iyo foto ubu yamaze gusibwa yagaragazaga Trump, yambaye ikanzu y’umweru, ashyize ukuboko kurabagirana ku gahanga k’umugabo urwaye afite n’urumuri mu kiganza cy’imoso, abamunenga bakaba bavuze ko isa nk’ibishushanyo by’idini bigaragaza Yezu/Yesu akiza umuntu wamugaye.
