Mu ruzinduko rwe mu gihugu cya Tunisia, Minisitiri w’Ububanyi n’Amahanga w’u Rwanda, Olivier Nduhungirehe, kuri uyu wa Kane yakiriwe na Perezida wa Repubulika ya Tuniziya, Kaïs Saïed, amushyikiriza ubutumwa bwihariye bwa Perezida wa Repubulika, Paul Kagame.
Ibiganiro byabo byibanze cyane cyane kuri kandidatire y’Umunyamabanga Mukuru wa OIF (Umuryango Mpuzamahanga wa La Francophonie), Louise Mushikiwabo, muri manda ye nshya, aho u Rwanda rusaba inkunga ya Tunisia, ndetse no ku gushimangira umubano hagati y’ibihugu byombi.
Usibye kubonana n’Umukuru w’Igihugu cya Tunisia, Kaïs Saïed, Minisitiri Olivier Nduhungirehe kandi yagiranye ibiganiro na mugenzi we, Mohamed Ali Nafti.
Abaminisitiri bombi bashyize umukono ku masezerano abiri y’ubwumvikane ku bijyanye no kugishanya inama mu bya politiki no gushyiraho komisiyo ihuriweho ihoraho, mu gushimangira ubufatanye hagati y’u Rwanda na Tunisia.
