U Rwanda rwarebye RCA ikijisho nyuma yo gusinyana na RDC amasezerano y’ubufatanye mu bya gisirikare

Perezida wa Repubulika ya Centrafrique, Faustin-Archange Touadéra, ari mu ihurizo rya dipolomasi hagati y’u Rwanda na Repubulika Iharanira Demokarasi ya Congo, nyuma y’uko Bangui na Kinshasa byemeranyije gukomeza ubufatanye mu bya gisirikare no guhererekanya amakuru y’ubutasi.

Africa Intelligence yanditse ko muri Nzeri uyu mwaka Perezida Paul Kagame yaba yaragaragarije mugenzi we wa Centrafrique kutishimira ubwo bufatanye bushya hagati ya Bangui na Kinshasa.

Amasezerano avugwa yashyizweho umukono ku wa 21 Kanama 2026, hagati ya Minisitiri w’Ingabo wa RDC, Guy Kabombo Muadiamvita, na mugenzi we wa Centrafrique, Claude Rameaux Bireau.