Ubushinjacyaha bwa Halle-Vilvoorde mu gihugu cy’u Bubiligi bwasubitse kugeza imbere y’urukiko umunyapolitiki, Moise Katumbi, bwari bukurikiranyeho gukoresha uruhushya rw’inzira (passport) byakekwaga ko ari impimbano.
Iperereza ryakozwe kuri Moise Katumbi ntirizageza aho ashinjwa nk’uko byemejwe n’Uwungirije Umushinjacyaha wa Halle-Vilvoorde mu kiganiro na Jeune Afrique, kubera ko habuze ibimenyetso bihagije bimushinja icyaha akaba ari yo mpamvu dosiye yafunzwe.
Moise Katumbi yari yatawe muri yombi n’igipolisi akanya gato, kuwa 14 Kamena ubwo yari ageze ku Kibuga cy’Indege cya Buruseli, bitewe n’uko ngo igice kimwe cya passport ye kitari umwimerere. Icyo gihe Dominique Ernould, umuvugizi w’ibiro bishinzwe abanyamahanga akaba yarabwiye itangazamakuru ko icyo gice cy’umwimerere cyahinduwe hagashyirwamo ikindi. Passport ye akaba yarahise ayakwa irafatirwa.
Kanda hano hasi usome inkuru bifitanye isano
https://bwiza.com/u-bubiligi-ibya-moise-katumbi-zongeye-kubirwaniramo-passport-ye-yafatiriwe/
Kuwa 24 Nyakanga ubwo yavuganaga n’iki kinyamakuru, umuvugizi wa Moise Katumbi, Olivier Kamitatu, we yashimangiraga ko icyangombwa cya Katumbi nta kibazo ifite, akemeza ko atari mu Bubiligi yihisha cyangwa mu buryo bunyuranyije n’amategeko.
