Minisitiri w’Ubuzima muri Uganda, Dr. Jane Ruth Aceng yemeje ko kuri uyu wa 23 Werurwe 2020, muri Uganda habonetse abarwayi bashya ba Coronavirus umunani. Aba bemejwe nyuma y’ibipimo 32 byafashwe abandi 24 bigaragara ko nta Coronavirus banduye. Dr. Aceng atangaje ko aba barwayi bose uko ari umunani, ari Abagande baturutse mu Mugi wa Dubai muri Leta Zunze Ubumwe z’Abarabu. Babiri muri bo bageze muri Uganda tariki ya 20 Werurwe bahagejejwe n’indege ya kompanyi ya Emirates, abandi 6 bahageze tariki ya 22 Werurwe na Ethiopian Airlines. Muri rusange, Uganda imaze kubarura abantu 9 banduye Coronavirus.
