Kuri uyu wa gatatu, uganda yamaganye icyemezo cy’Amerika cyo kuyikura mu masezerano akomeye y’Ubucuruzi kubera ihohoterwa ry’uburenganzira bwa muntu by’umwihariko abaryamana bahuje ibitsina.Ivuga ko iki cyemezo cyangiza ubuhinzi n’ubucuruzi muri iki gihugu.
Amerika yavuze ko muri iki cyumweru Uganda kimwe na Repubulika ya Centrafrique (CAR), Gabon na Niger bikuwe mu itegeko ryerekeye iterambere ry’amahirwe muri Afurika (AGOA) guhera muri Mutarama 2024.
Perezida wa Amerika,Joe Biden, mu ibaruwa yandikiye Kongere yavuze ko guverinoma za CAR na Uganda zombi zagize uruhare mu ihohoterwa rikabije ry’uburenganzira bwa muntu bwemewe ku rwego mpuzamahanga”.
Uganda yagiye inengwa n’imiryango iharanira uburenganzira, Umuryango w’abibumbye n’ibihugu by’iburengerazuba kubera itegeko rikaze rirwanya abaryamana bahuje ibitsina ryemejwe muri Gicurasi.
Mu magambo ye, Odrek Rwabwogo, umujyanama wa Perezida Yoweri Museveni, yagize ati: “Birasa naho bahisemo ko Abagande bagomba guhanwa” kubera amategeko atavugwaho rumwe.Yavuze ko guverinoma yababajwe n’iki cyemezo kibabaje kuko bishobora gusubiza Uganda inyuma mu bukungu.
Mu gihe ubucuruzi bwa Uganda binyuze muri AGOA nta shingiro bufite, ubwiyongere bw’ibyo twohereza muri Amerika ndetse n’abandi bafatanyabikorwa byari inkingi ikomeye y’ingamba zacu z’ubukungu ziri imbere “.
Uyu muyobozi yavuze ko ku byoherezwa mu mahanga no guteza imbere inganda, bahinzi ba Uganda na ba nyir’ubucuruzi buciriritse bazababara.”
Biden yari yasabye ko amategeko arwanya abaryamana bahuje ibitsina yakurwaho bidatinze, akangisha guhagarika inkunga n’ishoramari muri Uganda.Iri tegeko ryemejwe muri Gicurasi rikubiyemo ingingo zituma abaryamana bahuje ibitsina bakabije icyaha cy’urupfu n’igifungo cya burundu.
One Response
Uganda yashenguwe no gukurwa muri AGOA
Aba bazungu bahatira abanyafurika ubutinganyi, niba ari bwiza ko babufite babwigumaniye baradushakaho iki? Abavandimwe b’abagande ndabakomeje, mwahisemo neza ntimucike intege, kandi Imana igira inzira nyinshi cyane muzabaho. Nta kwasamira ibije byose nk’udafite ubwenge. Imana ibakomeze kandi ibiyereke mu rugamba rwiza muyirwanira.