Imfungwa 50 zari zifungiwe muri gereza iri mu kigo cya gisirikare cya Moroto iherereye mu Karere ka Moroto mu majyaruguru ya Uganda, zatorokanye imbunda zirenga 36 biba ngombwa ko iki gisirikare cyifashisha indege ya kajugujugu mu kuzirukaho.
Ibi byabaye mu masaa cyenda y’igicamunsi, ubwo izi mfungwa zagaragaraga mu myambaro yazo y’umuhondo, zurira umusozi wa Moroto. Byatumye ingabo z’igihugu zifata iyi ndege, ndetse zipakira imbunda n’amasasu, zikurikira izi mfungwa.
Muri ayo masaha, abatuye muri Moroto ngo bumvise urusaku rwinshi rw’amasasu ruvugira ku musozi izi mfungwa zuriraga. Gusa ngo izi mfungwa zatorotse zambariye urugamba, nazo zarasanye n’ingabo z’igihugu.
Nile Post yavuganye n’umwe mu batangabuhamya ku byabereye muri Moroto, agira ati: “Byavuzwe ko imfungwa 50 zatorotse gereza ya Moroto. Amasasu yumvikanye mu mujyi wa Moroto.”
Ubu baturage batewe ubwoba n’izi mfungwa zatorotse, cyane ko hashize iminsi itanu Umuvugizi w’urwego rushinzwe amagereza, Frank Atwine atangaje ko imfungwa 30 zanduye icyorezo cya Covid-19.
Gusa ngo izo zajyanwe mu kigo kivurirwamo abarwayi ba Covid-19 cya Jinja ariko ngo hari izindi zirenga 200 zahise zishyirwa mu kato k’iminsi 14.
Ku bijyanye no gutoroka byo si ubwa mbere imfungwa zitorotse iyi gereza kuko no mu 2006 zarabikoze, zibanje kwica umurinzi wayo, Cpl Walter Ochoria zimurashe.
4 Responses
Uganda yitabaje indege mu kwiruka ku mfungwa 50 zatorokanye imbunda zirenga 36
Nshaka umukunzi
Uganda yitabaje indege mu kwiruka ku mfungwa 50 zatorokanye imbunda zirenga 36
Nshaka umukunzi
Uganda yitabaje indege mu kwiruka ku mfungwa 50 zatorokanye imbunda zirenga 36
Nipfuza umukunzi
Uganda yitabaje indege mu kwiruka ku mfungwa 50 zatorokanye imbunda zirenga 36
Nipfuza umukunzi