Abanyarwanda n'abanyamahanga baba mu Rwanda no mu mahanga bitabiriye igikorwa cy'umuganda rusange usoza ukwezi kwa Kanama. Uyu muganda waranzwe n'ibikorwa bitandukanye bifite agaciro kanini nko gusiza imihanda, kubaka inzu n'ibindi. Hamwe na hamwe wasojwe no kwishyurira abatishiboye mituweli.
Mu karere ka Gatsibo abahavuka bibumbiye mu ihuriro ya "Gatsibo brothers and sisters community" bishyuriye mituweli abatishoboye 758. Muri Kicukiro GT Bank yishyuriye abandi 150. Abanyamakuru bagiye mu itorero 'Impamyabigwi II' bishyurira 100 mu Karere ka Nyarugenge.
Mu rwego rwo kwerekana uko uyu muganda ngarukakwezi usoza ukwa Kanama 2017 wagiye witabirwa hirya no hino mu Rwanda, no kubagezaho ibyakozwe, Bwiza.com yabateguriye amafoto abigaragaza.
Nyarugenge: Impamyabigwi zakoze umuganda zinagoboka abatishoboye
Abanyamakuru bitabiriye icyiciro cya Kabri cy'itorero ryabo riherutse kubera i Nkumba mu karere ka Burera 'Impamyabigwi II Berekeje mu murenge wa Mageragere mu Muganda mu rwego rwo kwesa umuhigo bihaye wo kwishyurira abaturage batishoboye ubwisungane mu kwivuza.
Nyuma y'uwo muganda bashyikirije cheque iriho inkunga y'ibihumbi 300 bakusanyije hagati yabo azafasha aka karere kwishyurira abaturage bako 100 batishoboye, mituweli
Impamyabigwi II mu muganda[/caption]
Umusanzu wishyuriwe abatishoboye 100[/caption]
Impamyabigwi II n'akanyamuneza ubwo berekezaga mu muganda no gufasha[/caption]
Ikigo cy'igihugu gishinzwe ingufu cyari muri uyu murenge wa Mageragere gishyira amashanyarazi mu mudugudu w'icyitegererezo wa Rugendabari.
Gatsibo: Babumbye amatafari yo kubakira abirukanywe muri Tanzania banishyurira mituweli 758
Abayobozi n'abaturage batandukanye bitabiriye umuganda wo gusiza ibibanza 8 bizubakirwamo Abanyarwanda birukanywe muri Tanzania. Muri icyo gikorwa kandi babumbye n'amatafari yo kuzabubakira. Depite Uwimanimpaye Jean D'Arc,Senateri Kazarwa n'abanyagatsibo batuye Kigali n'inzego zishinzwe umutekano bari muri icyo gikorwa cyabereye mu Murenge wa Rwimbogo.
Abanyagatsibo bibumbiye mu ihuriro ya'Gatsibo brothers and sisters community' bishyuriye Mituweli abagera kuri 758.
Ingabo n'abaturage bakase icyondo babumba n'amatafari[/caption]
Abaturage bafite akanyamuneza[/caption]
Depite Uwimanimpaye mu bitabiriye umuganda wo gusiza ibibanza 8 muri Rwimbogo[/caption]
Mituweli bishyuriye abatishoboye 758[/caption]
Nyagatare: Meya n'abaturage mu gusiza ahazubakwa amashuri
Umuyobozi w'aka karere Mupenzi George yakoranye umuganda n'abaturage n'inzego z'umutekano, i Rukomo basiza ahazubakwa ibyuma by'amashuri abanza.
Igikorwa cyo gusiza ahazubakwa amashuri[/caption]
Rusizi: Habereye umuganda mpuzamahanga Abaskuti bo mu Rwanda, u Burundi na Repubulika Iharanira Demokarasi ya Congo bari mu Rwanda mu bukangurambaga bugamije amahoro n'iterambere mu biyaga bigari, bitabiriye umuganda wabereye mu karere ka Rusizi
Rusizi, Abaskuti bo mu Burundi RD Congo n'u Rwanda bitabiriye Umuganda[/caption]
Kamonyi: Hitawe ku migenderanire hagati y'abaturage
Mu karere ka Kamonyi, abaturage bitabiriye umuganda rusange wibanze ku gikorwa cyo gutunganya umuhanda mu Kagari ka Muganza mu rwego rwo kunoza imigenderanire hagati yabo.
Muri aka karere kandi Guverineri Mureshyankwano yifatanyije n'abaturage b'Umurenge wa Runda mu muganda rusange usoza ukwezi kwa Kanama 2017.
Kamonyi bitaye ku migenderanire[/caption]
Guverineri Mureshyankwano n'abandi bayobozi batandukanye[/caption]
Umujyi wa Kigali: Meya Nyamurinda yakoranye umuganda n'intumwa zo muri Afurika y'Epfo
Intumwa zo muri Afurika y'epfo ziri mu Rwanda zifatanyije n'Abanyakigali mu muganda, wabereye mu murenge wa Jabana mu karere ka Gasabo.
Ifoto y'urwibutso, Meya Nyamurinda n'abavuye i Johannesburg[/caption]
Abavuye i Johannesburg mu muganda[/caption]
Karongi: Abaturage bazindukiye mu muganda
Abanyakarongi imbaraga ni zose mu kwikorera[/caption]
Gisagara : Ingabo n' Abaturage bubakiye abatishoboye
Ingabo n' Abaturage b'umurenge wa Mugombwa mu karere ka Gisagara bitabiriye umuganda aho bari kubakira abatishoboye kuri site ya Mugombwa.
Ingabo n'abaturage mu rugamba rw'iterambere[/caption]
Mu murenge wa Mugombwa bubakiye abahoze muri nyakatsi
Abahoze muri nyakatsi bubakiwe[/caption]
Nyaruguru: Hibanzwe ku kongera umusaruro
Abatuye akarere ka Nyaruguru bitabiriye umuganda bibutswa gukoresha inyongeramusaruro n'imbuto z'indobanure mu mirima yabo mu gihembwe cy'ihinga 2018 A.
Iterwa ry'umuti mu myaka[/caption]
Abaturage baganirizwa na Meya Habitegeko Francois kuri gahunda za Leta[/caption]
Huye: Kubakira abatuye mu manegeka no kuganira kuri gahunda za Leta
Abatuye akarere ka Huye bahuriye mu bice bitandukanye by'aka karere aho bitabiriye umuganda. Mu Murenge wa Simbi, Akagari ka Mugobore,umudugudu wa Nyagasozi, abari batuye mu manegeka(ntuyenabi) bahomewe inzu ebyiri bazatuzwamo.
Abaturage kandi baganirijwe kuri gahunda yo gutanga mituweli, isuku no kuzitabira kwizihiza umuganura w'uyu mwaka.
Bamwe bavomaga, abandi bakata, hari n'abahoma inzu[/caption]
Umuyobozi w'akarere wungirije aganiriza abaturage[/caption]
Abaturage mu kiganiro[/caption]
Kicukiro: Bari kwiyubakira umuhanda banibutswa kwicungira umutekano
Abaturage b'Akagari ka Nyanza, Umurenge wa Gatenga mu karere ka Kicukiro batangiye kwiyubakira umuhanda ureshya n'ibilometero 3 uzabatwara Miliyoni 34 z'amafaranga y'u Rwanda.
Nyuma y'umuganda wahuje abaturage n'abayobozi, abaturage bibukijwe kwicungira umutekano.
Mu kagari ka Nyanza mu murenge wa Gatenga bari kwiyubakira umuhanda[/caption]
Abaturage barunganira imashini[/caption]
Abayobozi mu muganda[/caption]
Abanyerondo bibutswa inshingano[/caption]
GT Bank yishyuriye muri aka karere kandi mituweli abantu 150 bo mu murenge Nyarugunga rmu karere ka kicukiro.
Mituweli yatanzwe na GT Bank[/caption]
Mu mahanga
Nigeria: Abanyarwanda ntibatanzwe
Abanyarwanda baba muri Nigeria, bitabiriye umuganda bakorera isuku ikubuga cya tennis kiri mu mujyi wa Abuja.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/bwiza.com