Kuri uyu wa Mbere, itariki ya 20 Ukwakira 2025, General Pierre Schill, Umugaba w’Ingabo z’u Bufaransa zirwanira ku butaka, yagiranye ibiganiro na mugenzi we, Maj. Gen. Vincent Nyakarundi, ku cyicaro cya RDF ku Kimihurura.
Mbere y’ibiganiro byabo, Gen.Schill yakiriwe n’Umugaba Mukuru w’Ingabo za RDF, General Mubarakh Muganga.
Ibiganiro byombi byibanze ku gushimangira ubufatanye buriho hagati y’Ingabo z’u Bufaransa n’Ingabo za RDF.
Mu ruzinduko rwe, Gen. Schill yanasuye Urwibutso rwa Jenoside rwa Kigali, aho yunamiye abazize Jenoside yakorewe Abatutsi mu 1994.
General Pierre Schill ari mu Rwanda, aho yitabiriye Inama Mpuzamahanga nyunguranabitekerezo y’Abagaba b’Ingabo zirwanira ku Butaka, ibera i Kigali kuva kuri uyu wa Kabiri, itariki 21 kugeza ku ya 22 Ukwakira 2025.
