Minisiteri y’Ubuzima mu Rwanda kuri uyu wa 11 Ukwakira 2020 yatangaje ko umugabo w’imyaka 41 y’amavuko yishwe n’icyorezo cya Covid-19. Ni mu gihe abanduye biyongereyeho 4, babonetse mu bipimo 2239 byafashwe.
Uyu abaye uwa 31 wishwe n’iki cyorezo kuva cyagera mu Rwanda muri Werurwe 2020, akaba yapfiriye mu mujyi wa Kigali.
Abanduye barimo 1 wabonetse mu mujyi wa Kigali, 2 bonetse mu Karere ka Kirehe n’undi wabonetse mu Karere ka Musanze.
Abamaze gukira iki cyorezo ni 3606 barimo 40 b’uyu munsi, abakirwaye bo ni 1259. Abamaze kugaragaraho iki cyorezo muri rusange ni 4896 mu bipimo 518,988 byafashwe muri rusange.
