Minisiteri y’Ubuzima mu Rwanda kuri uyu wa 28 Kanama 2020 yatangaje ko umuntu wa 16 yishwe n’icyorezo cya Covid-19, haboneka abanduye bashya 70 mu bipimo 5159 byafashwe.
Uyu muntu wapfuye yari afite imyaka 81 y’amavuko nk’uko iyi Minisiteri yabitangaje mu butumwa bwo kwihanganisha umuryango yasize.
Abarwayi babonetse bo barimo 54 bapimwe mu masoko ya Kigali, 7 bo muri Rusizi, 3 bo muri Nyamasheke, 3 bo muri Rubavu, 2 bo muri Kirehe n’umwe wo muri Musanze.
Abantu 1833 ni bo bamaze gukira iki cyorezo, barimo 3 bakize uyu munsi. Abakirwaye bo ni 1860. Muri rusange hamaze kuboneka abarwayi 3742 mu bipimo 393,237 byafashwe.
