Umunyamakuru Issac Kuradusenge wa KT Radio na Kigali Today, yaraye asezeranye imbere y’amategeko n’umukunzi we, Kayumba Sylivie, mbere y’uko aba bombi basezerana imbere y’Imana mu ntangiriro z’umwaka utaha.
Kuradusenge na Kayumba bahamije urwo bakundana imbere y’amategeko y’u Rwanda, mu muhango wabereye ku biro by’Umurenge wa Niboye ho mu karere ka Kicukiro.
Aba bombi bari bamaze igihe bakundana, ndetse urukundo rwabo bakunze kuruhamiriza incuti zabo n’ababakurikira ku mbuga nkoranyambaga.
Tariki ya 16 Ukwakira Kuradusenge usanzwe akora mu kiganiro KT Sports, yari yateye ivi asaba Kayumba ko yazamubera umutwe undi na we akamubera umutima, birangira umukobwa avuze ati: “Ndabyemeye!”
Aba bombi bazatangira urugendo rwo kubana nk’umugabo n’umugore guhera Tariki ya 06 Gashyantare 2021, umunsi bazasezerana Imbere y’Imana.
