Umupadiri wo mu Bugereki yafatiwe mu Mujyi wa Athènes nyuma yo kumena aside mu maso abasenyeri barindwi bo mu Idini ry’aba Orthodox, nk’uko bivugwa na polisi y’icyo gihugu. Umupadiri w’imyaka 36 yakoze ibi yari asanzwe akorwaho iperereza ko ku myitwarire kuwa 23 Kamena 2021. Ikinyamakuru Ta Nea kivuga ko uyu mupadiri yinjiye mu kigo cy’abihaye Imana cya Petraki kiri i Athènes agiye guhatwa ibibazo, akinjirana “icupa rinini ririmo aside.” Yabamennyeho iyi aside ku buryo batatu muri bo bari mu bitaro kuko yabamenetse mu maso. Ni nako byagenze ku mupolisi wari uje gutabara abo basenyeri kimwe n’umuzamu wamufashe agerageza gutoroka. Ibiro ntaramakuru ANA bivuga ko ” Uyu mupadiri ashobora kwirukanwa mu idini kuko yahamwe no gukoresha ibiyobyabwenge.” Aba basenyeri bari bateranye ngo birukane uyu mupadiri kuko mu 2018 yari yasanganwe amagara 1.8 y’urumogi. Abategetsi mu Bugereki bamaganye iki gikorwa, bavuga ko bazakora ibishoboka byose, aba basenyeri bakavurwa bagakira.
