Polisi ya Kira mu Mujyi wa Kampala yataye muri yombi umwe mu bapolisi bakuru waguwe gitumo asambanya umugore witwa Hellen w’imyaka 19 wari ufite ibyaha akurikiranweho.
Uwatawe muri yombi yitwa Langu usanzwe akorera kuri Sitasiyo ya Kirinya muri Bweyogerere.
Inkuru dukesha Spyreports ivuga ko Hellen yafunzwe kuwa 9 Gashyantare 2019 ashinjwa guhohotera umukobwa we. Iyi nkuru ivuga ko Langu kuri uwo munsi Langu yagiye ahari hafungiwe Hellen akamutwara mu biro bye akamufatiraho imbunda amubwira ko natemera ko baryamana ari bumwice.
Umwe mu bapolisi bari kumwe na Lunga avuga ko yumvise agira ati “ Wa mugore we hitamo gupfa cyangwa turyamane.”
Yongeraho ko yagumye hafi aho kugira ngo arebe ko Lunga aza kurasa uyu mugore. Ati “ Narihishe kugira ngo ndebe niba Lunga ari burase uwo mugore. Nyuma y’iminota mike, numvise avuza [umugore] induru mu biro.”
Uyu avuga ko yumvise Lunga asezeranya uyu mugore ko aza kumurekura. Uyu mugore yaje kurekurwa nyuma y’aho ibibazo yari afitanye n’umugabo we bikemukiye.
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
Hellen ntiyashizwe kuko yagarutse kurega Lunga ku cyaha cyo kumufata ku ngufu. Ubu uyu mupolisi afungiye ahitwa Kira.
Umuvugizi wa Polisi mu Mujyi wa Kampala, Luke Owesigyire yemeje aya makuru avuga ko hari gukorwa iperereza.
