Umuryango wa Paul Rusesabagina utangaza ko wishimiye kuba abanyamategeko; Me David Rugaza na Me Emelyne Nyembo barikuye mu rubanza rwa mwenewabo. Soma: https://bwiza.com/?Abanyamategeko-bunganiraga-Rusesabagina-bikuye-mu-rubanza Mu rubanza rwo ku wa kabiri tariki ya 10/11/2020, Gatera Gashabana yagejeje ubutumwa mu rukiko arumenyesha ko adashobora kuboneka kuko ari hanze y’u Rwanda. BBC yavuganye n’abo mu muryango wa Rusesabagina ku ngingo yo kuba wari waranze aba banyamategeko b’Abanyarwanda. Ni nyuma yo guhabwa uburenganzira n’abo kwa Rusesabagina. BBC yavuganye n’umuhuzabikorwa w’abunganizi ba Rusesabagina, Prof.Brian Endless uri muri Amerika. Prof. Endless ati ” Ni ikintu cyiza [Kuba abanyamategeko b’Abanyarwanda barakuwe mu rubanza rwa Rusesabagina] kandi byari byaratinze. Guverinoma y’ u Rwanda yahaye Paul abanyamategeko ku ngufu. Twari dufite abanyamategeko Gatera Gashabana mu Rwanda ndetse n’abandi banyamategeko mpuzamahanga. Rusesabagaina yahawe abanyamategeko kuko Rusesabagina atari yishoboye ariko si ukuri (…).” Nyuma yo gutandukana n’abanyamategeko babiri yari yahawe n’urugaga rw’abunganizi mu Rwanda, Rusesabagina ubu arunganirwa na Gatera Gashabana, umwe mu bunganizi 7 bashyizweho n’umuryango we. Hagati aho Rusesabagina arasaba urukiko rwisumbuye rwa Nyarugenge ko rusesa icyemezo cyo kumwongerera indi minsi 30 yo gufungwa by’agateganyo mu gihe hategerejwe ko urubanza nyirizina rutangira.
