Kuri uyu wa Gatanu tariki ya 30 Ukuboza 2016, nibwo Guverineri w’intara ya Kivu y’Amajyaruguru muri Repubulika iharanira Demokarasi ya Congo, Julien Paluku Kahongya yatangaje ko mu ntara abereye umuyobozi haranzwe n’amaraso muri uyu mwaka urimo kurangira wa 2016.
[xyz-ihs snippet=”google-pub”]
Ati: “twaje kumenya ko umwak wa 2015 wari mwiza, umwaka wa 2016 waranzwe n’ubwicanyi bwo muri Lubero-Miriki, muri Rutshuru, mbere na mbere Bwalanda na Nyanzale na none muri Luhanga, …”.
Nk’uko Radiyo Okapi ibitangaza, ngo uyu muyobozi yanakomoje ku bwicanyi bwakorewe muri Beni ku wa 24 Ukuboza n’inyeshyamba za ADF, abantu basaga 20 bakaba barahiciwe.
Yakomeje avuga ko kuba ibi bikorwa byose byaribasiriye tumwe muri utu duce abereye umuyobozi ko ari ikibagaragariza ko umwaka 2016 ari uw’amaraso, ndetse ko uyu mwaka wa 2017 bitasubira ari nako hashakwa umuti.
Asoza avuga ko mu myaka ibiri ishize hatabuze abasirikare 1000 bishwe mu bitero byo guhashya izi nyeshyamba za ADF, ndetse nazo ubwazo zikaba zarahitanye abasivile barenga igihumbi.
Kanda hano ujye ubona amakuru yihuse kandi kugihe kuri Facebook no kuri twitter
Philipe Nsengiyumva/Bwiza.com
