Umuryango wabibumbye waburiye ibihugu byose ko hatagize igikorwa mu koroshya ingamba zo guhangana na Covid-19, inzara iturutse kuri ibi bikorwa ishobora kujya yica abana 10,000 mu kwezi.
Ishami ry’umuryango w’Abibumbye ryita ku bana (UNICEF) rivuga ko mu bihugu biri mu nzira y’amajyambere , usanga hari umubare munini w’impfu z’abana ziterwa n’imirire mibi. Bashingiye kuri ibi basanga hatagize igikorwa kungamba zikomeye zirimo na “Guma Mu Rugo” zishobora guteza ibyago ku bana, bishobora no gutera imfu zigera ku 10,000 mu gihe cy’ukwezi kumwe.
UNICEF ikomeza ivuga ko bitewe na gahunda z’akato mu bice bimwe na bimwe byisi, usanga bigoranye kugera ku masoko no gukorera mafaranga. Aha mubihugu bikennye ababyeyi bahitamo guhaha ibiribwa bibegereye , akenshi batitaye ku ntungamubiri z’ibigize.
Ibi bizongera indwara ziterwa n’imirire mibi nkaho abana barwaye bwaki bonyine bashobora kwiyongeraho 550,000 .
Umyobozi w’ishami rishinzwe imirire muri OMS, Dr. Francesco Branca yavuze ko ingaruka z’imirire mibi ziturutse kuri Covid-19 zidafatiwe ingamba zateza ikibazo ku hazaza h’ibihugu.Yagize ati” hatangize igikorwa ,ingaruka z’imirire mibi itewe na Covid-19 zateza ikiza gikomeye ku hazaza h’isi”
Imibare itangwa na Kaminuza ya John Hopkins igaragaza ko kuri ubu abantu babarirwa mu 700,000 bakiri muri gahunda ya guma mu rugo, abenshi muri bo badafite ubushobozi bwo kurya byibura inshuro 2 ku munsi.
