Urukiko rwisumbuye rwa Nyarugenge rwatesheje agaciro ubujurire bwa Uwihoreye Jean Bosco uzwi nka Ndimbati, ku ifungwa ry’agateganyo.
Tariki ya 28 Werurwe 2022, urukiko rw’ibanze rwa Nyarugenge rwakatiye Ndimbati igifungo cy’iminsi 30 y’agateganyo, yoherezwa muri gereza ya Nyarugenge.
Yarajuriye, mu iburanisha ryabareye mu rukiko rwisumbuye tariki ya 25 Mata, Ndimbati yasabye ko yafungurwa by’agateganyo kugira ngo ajye kwita ku muryango, anite no kubana bivugwa ko yabyaranye n’umukobwa utujuje imyaka y’ubukure.
Urukiko rwisumbuye rwa Nyarugenge saa munani z’igicamunsi cy’uyu wa 28 Mata, rwafashe icyemezo cy’uko Ndimbati akomeza gufungwa by’agateganyo mu gihe ategereje kuburana urubanza rwe mu mizi, kuko ibyaha ashinjwa bikomeye.
Ndimbati yatawe muri yombi tariki ya 10 Werurwe 2022 akurikiranweho icyaha cyo gusambanya umwana.
Soma inkuru ku iburanisha https://bwiza.com/?Ndimbati-yatangiye-kuburana-yambaye-iroza
