Franck Mwe di Malila Apenela wahoze ari Minisitiri muri Guverinoma ya Repubulika Iharanira Demokarasi ya Congo , ari mu ntumwa za AFC/M23 zitabiriye ibiganiro byayo na Leta ya Kinshasa mu Busuwisi.
Ni ibiganiro byatangiye kuri uyu wa Mbere tariki ya 13 Mata, bikazamara iminsi itanu.
Jeune Afrique ivuga ko intumwa 12 ari zo AFC/M23 yohereje muri biriya biganiro, muri zo hakaba harimo Franck Mwe di Malila Apenela.
Uyu Apenela arazwi cyane mu butegetsi bwa Kabila, bijyanye no kuba yarakoze inshingano zitandukanye nka Minisitiri cyangwa Minisitiri wungirije.
Mu nshingano yakoze harimo kuba Minisitiri wungirije ushinzwe ubufatanye mpuzamahanga no kwihuza kw’akarere hagati ya 2014 na 2016; mu gihe hagati ya 2016 na 2017 yabaye Minisitiri wungirije ushinzwe igenamigambi.
Hagati yo ku wa 10 Mata 2017 no ku wa 9 Nzeri 2019 bwo yari Minisitiri w’Ubukerarugendo.
Mu bandi byamenyekanye ko bahagarariye AFC/M23 muri biriya biganiro harimo Claude Ibalanky Ekolomba wahoze ari intumwa idasanzwe ya Perezida FĂ©lix Tshisekedi wa Congo Kinshasa.
