Greg Foot wahoze akorera Radio BBC mu gisata cya Siyansi (Science) yariye inyama yo ku kaguru ke, agamije kumva uko inyama y’umuntu iryoha.
Nyuma yo kurya inyama zitandukanye kuva yabaho ariko ntiyigere aca iryera iy’umuntu, byatumye uyu mugabo afata icyemezo cyo kukeba inyama yo ku kuguru kwe ngo yumve.
Muri ubwo bushakashatsi yakoze akanifatisha amafoto, yaryamye ku gatanda ategeka muganga gufata akaguru ke ngo akebeho inyama ahagana ku kibero.
Kuko ubusanzwe bitemewe kurya inyama y’umuntu, Greg ntiyari yemerewe kwikebaho umubiri ngo abe yawuteka arye, ahitamo gufata ako gace yahawe na muganga agatwara muri Laboratoire ajya gukorerayo ubwo bushakashatsi.
Nk’uko “The southerndaily” ibitangaza, ivuga ko nyuma yo kujya gukorera ubwo ubushakashatsi mu mujyi wa Nottingham, ngo ni naho yatekeye iyo nyama imaze gushya ayivanga n’umugati ararya.
Ubusanzwe Greg Foot w’imyaka 32 y’amavuko asanzwe ari umunyamakuru kuri imwe muri Televiziyo zo mu Bwongereza akaba yarahoze akorera Radio BBC mu gisata cya Science.
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga FredBwiza.com
