Uburyo wakoramo imibonano mpuzabitsina ugahora ubyifuza

Abantu benshi bakunda kwibaza uburyo imibonano ikozwe neza iba imeze, abandi bakavuga ko hari uburyo bwiza ikorwamo ikagenda neza nk’uko bivugwa n’abashakashatsi ku bijyanye n’imibonano mpuzabitsina .
Ibi biragufasha kumenya uburyo bakora imibonano mpuzabitsina ikaryoha cyane ndetse bagahora bifuza kugira ibyo byishimo bihoraho,cyane cyane iyo umukunzi wawe mubyumva kimwe atari umwe udashaka ko mwishimana mwembi.

Iyo rero mugiye gukora iki gikorwa ku bwumvikane ndetse no ku bw’ urukundo mufitanye, bisaba kubanza gutegurana ndetse no kumva neza ko igikorwa mugiye gukora ari umunezero wanyu mwese ku buryo buri umwe yumva ko ari ngombwa ko mutangira.
Abagabo benshi ntibajya bamenya ibintu by’ ingenzi bakorera abakunzi babo mu gihe batera akabariro maze kandi bakirengagiza ko umugore wanyuzwe n’ imibonano mpuzabitsina ari bwo aryoherwa n’ umunezero w’ urugo kuruta kurya no kwambara neza.
Dore rero uko umugabo aba akwiye kubigenza mu gutera akabariro kuko uruhare runini ni urwe:
Uretse gutegurana mukorakoranaho mu gihe mugiye kwinjira muri icyo gikorwa, ni byiza cyane ko musomana kandi mu bwitonzi kuko buriya iyo usomye umugore ahita yumva ibinyamuneza umubiri we wose.

Ubwo rero bisaba ko umugabo akorakora ibice bishobora kongerera ubushake umugore ndetse akanamusoma birambuye.
Igihe mutangiye icyo gikorwa ntukamushyireho ibiro byawe byose niba mukoresheje uburyo bwo kumujyaho kuko iyo umushyizeho ibiro byawe byose, uba umubujije kwisanzura ngo na we yumve ibyishimo neza. Ahubwo jya wiyoroshya bizabafasha mwembi gusangira umunezero.

Jya wirinda gukora imibonano mpuzabitsina ucecetse cyangwa usa n’ aho utishimye. Ahubwo uramwenyura ukamwereka ko wishimye kandi ukanamubaza uko yumva bimeze, mbese mukaganira uko igikorwa kimeze. Ibyo byongera ibyishimo kumpande zombie.
Jya wirinda gukoresha umukunzi wawe ibintu bivunanye cyangwa atamenyereye ku gahato, hari nk’ ibyo ubona mu ma filime y’ urukozasoni ngo nawe wumve ko aribyo agomba kugukorera. Ugomba kumugendesha gahoro ndetse ukabikora ari uko ubona ko bitamubangamiye kandi ukabikora mu gihe ubona ko yishimiye icyo gikorwa.

Muteguze ko ugiye kurangiza kugirango bitamutungura. Buriya iyo ubimuteguje nawe ahita yitegura bikabafasha kuba mwanarangiriza rimwe.
Si byiza ko umugabo azana ibindi biganiro biterekeye ku kabariro cyangwa ku rukundo igihe bari gutegurana kuko bituma ubwonko bw’ umugore butakira neza igikorwa kigiye gukorwa, ibi kandi binagira ingaruka mbi ku bwonko kuko bituma umuntu atarangiza neza.
Ukurikiza izi nama wese nta cyamubuza kuryoherwa n’ imibonano mpuzabitsina kandi n’ ibyo byishimo burya bibaho mu buzima cyane cyane ku bashakanye.
Kanda hano ujye ubona amakuru yihuse kandi kugihe kuri Facebook no kuri twitter
Leki@bwiza.com