Mu ijoro ryo ku wa Mbere, tariki ya 27 Mutarama 2025 habaye tombola yo gushyira ibihugu bizakina Igikombe cya Afurika 2025 mu matsinda.
Uyu muhango wabereye i Rabat muri Maroc wasize amakipe 24 agabanyijwe mu matsinda atandatu, buri tsinda ririmo amakipe ane.
Maroc, izakira iri rushanwa iri mu itsinda rya mbere hamwe na Mali, Zambie n’Ibirwa bya Comores. Misiri, Afurika y’Epfo, Zimbabwe na Angola biri mu itsinda rya kabiri.
Ibihugu by’ibituranyi, Uganda na Tanzania, byisanze mu itsinda rya gatatu hamwe na Tunisie na Nigeria. Itsinda rya kane ririmo Sénégal, Bénin, Botswana na Repubulika Iharanira Demokarasi ya Congo.
Itsinda rya gatanu ryisanzemo Algérie, Burkina Faso, Guinée Equatorial na Sudan, ni mu gihe Côte d’Ivoire, Cameroun, Angola na Mozambique biri mu itsinda rya gatandatu.
Iri rushanwa rizatangira ku itariki ya 21 Ukuboza 2025 rikazasozwa ku ya 18 Mutarama 2026, ribera muri Maroc.
Ni bwo bwa mbere amakipe 24 azitabira Igikombe cya Afurika aharanira kwegukana igikombe gikomeye ku mugabane wa Afurika.
