Agakingirizo muri iyi minsi kabaye imbonekarimwe mu bice bitandukanye by’Isi kubera ifungwa ry’uruganda runini ku isi, Karex Bhd, rwo mu gihugu cya Malaysia rusanzwe rutunganya udukingirizo. Mu bice bitandukanye by’isi, ibikorwa byinshi byarahagaze kubera icyorezo cya Coronavirus. Ibi bikaba byaragize ingaruka no ku ruganda, Karex Bhd, ruzwiho gufasha ibihugu byinshi kubona udukingirizo rukaba rusanzwe rukorera mu gihugu cya Malaysia na cyo kiri mu byazonzwe na virusi na Coronavirus. Ubu abakunzi b’imibonano mpuzabitsinda bakwiye kwigengesera kuko inganda zigeze kuri eshatu zose muri Malaysia ndetse n’izo mu Bushinwa ari naho iki cyorezo cyatangiriye, ubu zose zirafunze bikaba byumvikana ko imiryango yasakazaga udukingirizo mu bihugu itakibona ubutumwa ishyikiriza ababaga bakeneye udukingirizo. Umuyobozi Mukuru wa Karex Bhd, Goh Miah Kiat yabwiye The Guardian ko kuri ubu hamaze kigaragara icyuho cy’udukingirizo miliyoni ijana. Malaysia iri mu bihugu bikomeje kuzahazwa na Coronavirus ku mugabane w’Aziya aho kuri ubu ifite abantu 2,320 banduye iki cyorezo, 27 cyarabahitanye naho 320 bamaze gukira virusi ya Covid-19 igihugu kikaba cyarategetse ifungwa ry’ibigo ry’agateganyo kugeza kuwa 14 Mata 2020.
2 Responses
Agakingirizo kabaye imbonekarimwe ku Isi kubera Coronavirus
Ok birumvikana
Agakingirizo kabaye imbonekarimwe ku Isi kubera Coronavirus
Ok birumvikana