Minisiteri y’Ubuzima mu Rwanda iratangaza ko wa gatatu tariki 15 Mata 2020 hagaragaye abandi bantu 2 barwaye Coronavirus, mu bipimo 923 byafashwe mu masaha 24 ashize.
Ibi byatumye umubare w’abagaragayeho Coronavirus mu Rwanda ugera kuri 136 (muri aba 54 bakaba barakize, barimo 6 bakize mu masaha 24 ashize).
Minisante ivuga ko abo byatahuwe ko bahuye n’abanduye Coronavirus ari babiri, bakaba bahise bashyirwa mu kato, mu gihe hagikomeje ibikorwa byo gushakisha abantu bose bahuye na bo kugira ngo basuzumwe ndetse bitabweho n’inzego z’ubuzima.
Minisiteri y’Ubuzima iributsa ko umuntu wese uhisha cyangwa wanga gutanga amakuru arebana n’abahuye n’umurwayi wa Coronavirus cyangwa agahisha ibimenyetso byayo aba ashyize ubuzima bwa benshi mu kaga kandi abihanirwa n’amategeko.
