Perezida wa Leta Zunze Ubumwe za Amerika, Donald Trump yashyigikiye Andrew Cuomo mu guhatanira ubuyobozi bw’umujyi wa New York, asaba abatora kudatora mugenzi we bahanganye Zohran Mamdani, bitaba ibyo akazagabanya ingengo y’imari igenewe uyu mujyi.
Ku mugoroba wo kuri uyu wa Mbere, itariki 3 Ugushyingo 2025, Perezida Trump yanditse ati: “Waba ukunda ku giti cyawe Andrew Cuomo cyangwa utamukunda, mu by’ukuri nta mahitamo ufite. Ugomba kumutora, ubundi ukizera ko azakora akazi keza.” “Arabishoboye, Mamdani ntabwo ashoboye!”
Umukandida wigenga Cuomo, wamaze igihe kinini anenga Trump wigeze kuba guverineri w’umudemokarate wa New York, yagize icyo avuga kuri uko gushyigikirwa na Trump agira ati: “Ntabwo anshyigikiye. Ari kurwanya Mamdani.”
Perezida Trump yari yabanje kuvuga ko ashobora kuzohereza amafaranga ari munsi ya make y’ayo leta igenera Umujyi wa New York Mamdani naramuka atowe.
Zohran Kwame Mamdani ni umunyapolitiki w’Umunyamerika usanzwe ari umudepite mu Nteko Ishinga Amategeko ya New York kuva mu 2021, ​​uhagarariye agace ka Astoria muri Queens.
