Kuri uyu wa Kabiri tariki ya 7 Nyakanga 2020, Uganda yashyikirije u Rwanda irindi tsinda ry’Abanyarwanda 12 bari bafungiweyo mu buryo budakurikije amategeko.
Aba Banyarwanda bose bageze mu Rwanda banyuze ku mupaka wa Kagitumba, bakaba barekuwe mu rwego rwo kubahiriza ishyirwa mu bikorwa ry’amazezerano ya Luanda nk’uko Uganda yari yarabisabwe mu biganiro byo ku wa 21 Gashyantare 2020 byabereye ku mupaka wa Gatuna, bigahuza impande zombi n’ibihugu by’abahuza nka RDC na Angola.
Aba Banyarwanda Uganda irekuye baje bakurikira abandi bagera ku 130 ihetse gushyikiriza u Rwanda mu kwezi gushize.
Icyo gihe, Minisitiri w’Ububanyi n’Amahanga wa Uganda, Sam Kutesa yari yatangaje ko hari abandi Banyarwanda bagera kuri 310 iki gihugu gifunze ariko bo bakaba batazafungurwa kubera ibyaha bitandukanye bakurikiranyweho.
Ku mupaka hari hubahirijwe amabwiriza yo kwirinda icyorezo cya Covid-19
