Umunyarwandakazi w’imyaka 26 yishwe na COVID-19, bituma umubare w’abamaze guhitanwa n’iki cyorezo mu Rwanda ugera ku bantu 26, nk’uko byatangajwe na Minisiteri y’Ubuzima.
Ni icyorezo kimaze kwandurwa n’abantu 4, 689; nyuma y’uko abandi bantu 18 basanzwemo Coronavirus kuri uyu wa Gatandatu, barimo 14 b’i Kigali bapimwe mu bibasiwe kurusha abandi, na bane b’i Nyamagabe. Babonetse mu bipimo 2,272 byafashwe.
Uretse abasanzwemo uburwayi, abakize biyongereyeho abantu 65 bagera ku 2910, bangana na 62% by’abamaze gusangwamo Coronavirus mu Rwanda bose hamwe, bikumvikanisha ko abantu 1,753 ari bo bakirwaye.
Mu gihugu hose hamaze gufatwa ibipimo 474,039.
