Ihere ijisho Adebayo Akinfenwa, umukinnyi wa ruhago ufite ibigango kurusha abandi ku Isi (Amafoto)

Adebayo Akinfenwa ni we uyoboye urutonde rw’abakinnyi bafite ibiro byinshi ku Isi. Uyu rutahizamu w’Umwongereza, akinira ikipe ya Wycombe Wanderers iheruka kuzamuka mu kiciro cya kabiri mu Bwongereza.

Akinfenwa w’imyaka 38 y’amavuko, apima ibiro 103 by’uburemere, akarusha bitatu Christophe Samba upima 100.

Ni umukinnyi usanzwe ari na muremure kuko apima metero na santimetero 85.

Uyu mukinnyi ari imbere y’abandi bakinnyi bafite ibiro byinshi basanzwe bazwi nka Thibaut Courtois wa Real Madrid, Romelu Lukaku wa Inter de Milan, Zlatan Ibrahimovic wa AC Milan na Harry Maguire wa Manchester United.

Kuba Adebayo Akinfenwa, bimufasha cyane kwitwara neza kuko akoresha imbaraga ze mu kugora ba myugariro.

Nko mu mwaka w’imikino wa 2018/19 yatsindiye Wycombe ibitego 18, mu gihe mu mwaka ushize yayitsindiye ibitego 10 mu mikino 32 yayikiniye.

Ni umwe mu bakinnyi bahanzwe cyane amaso ubwo mu mwaka w’imikino wa 2020/21 azaba ahanganye na ba myugariro bo muri Championship (Shampiyona y’ikiciro cya kabiri mu Bwongereza).