Television ya BeIN Sports mu kanya kashize, yatangaje ko myugariro Virgil van Dijk ukinira ikipe ya Liverpool ashobora kumara amezi ari hagati y’arindwi n’umunani adakina, nyuma yo kuvunikira mu mukino wa shampiyona y’Abongereza ikipe ye yangayijemo na Everton ibitego 2-2.
Virgil yasimbuwe ku munota wa 11 w’umukino ahita ajyanwa kwa muganga, nyuma yo gukinirwa nabi n’umuzamu Jordan Pickford wa Everton.
Magingo aya ntiharamenyekana icyo ibizamini byo kwa muganga birerekana, gusa BeIN Sports mu kanya kashize ubwo yatambutsaga umukino Manchester City yatsinzemo Arsenal igitego 1-0, yavuze ko yamenye ko Virgil yavunitse ingasire y’ivi, bityo akaba agomba kumara hanze y’ikibuga amezi ari hagati y’arindwi n’umunani.
