Ikigo Gishinzwe iby’Ikirere muri Tanzania (TMA) gitangaza ko imvura izamara iminsi itatu igwa ubudaharara mu ntara esheshatu z’igihugu kuva kuwa 8 Ugushyingo 2020. TMA ivuga ko imvura izagwa mu Ntara zikurikira: Dar es Salaam, Morogoro, Tanga, Ibirwa bya Mafia, Unguja na Pemba nk’uko itangazo ryashyizwe hanze ribivuga. Byitezwe ko inzu, imihanda n’ibindi bikorwaremezo bishobora kuzahangirikira. Tanzania ni kimwe mu bihugu byo muri Afurika y’Iburasirazuba bikunze kwibasirwa n’imvura nyinshi igahitana ubuzima bw’abatari bake.
