Aba minisitiri babiri bo muri Repubulika Iharanira Demukarasi ya Congo; Néné Nkulu ushinzwe umurimo na Willy Kitobo ushinzwe ubucukuzi bw’amabuye y’agaciro basohowe igitaraganya mu ndege ubwo bari bagiye guhaguruka ku kibuga cya Kinshasa berekeza mu ntara rwagati. Ibitangazamakuru byo muri Congo bivuga ko aba baminisitiri basohowe mu ndege kuwa 10 Ugushyingo n’abakozi b’Urwego rushinzwe Abainjira n’Abasohoka (DGM). Néné Nkulu na mugenzi we babujijwe gusohoka mu Mujyi wa Kinshasa. Nkulu yashakaga kujya ahitwa Kalemie anyuze i Goma mu gihe Kitoba yashakaga kwerekeza i Kisangani nk’uko Mediacongo ibitangaza. Uretse ibivugwa n’itangazamakuru, ko aba baminisitiri bari bagiye muri misiyo binyuranyije n’amabawiriza, nta rwego rwa Leta ruragira icyo ruvuga kuri aya makuru by’umwihariko impamvu aba baminisitiri babujijwe gukora ingendo.
