Minisiteri y’Ubuzima mu Rwanda ‘MINISANTE’, yatangaje ko kuri uyu wa Gatandatu tariki ya 21 Ugushyingo mu gihugu habonetse abantu 34 bashya banduye Covid-19, mu gihe abakize iki cyorezo ari bane.
MINISANTE ivuga ko mu barwayi bashya babonetse harimo 14 b’i Rwamagana, umunani ba Rubavu, batandatu b’i Bugesera, babiri b’i Musanze, babiri b’i Nyagatare, umwe w’i Ngoma n’undi w’i Nyamasheke.
Ibyo bituma abamaze kwandura Coronavirus mu Rwanda bagera kuri 5,620 barimo 5,163 bamaze kuyikira.
Abakirwaye kiriya cyorezo mu gihugu ni 411; mu gihe abo kimaze guhitana kuva cyagaragara bwa mbere ku wa 14 Werurwe ari 46.
