Ikipe ya Gor Mahia itegerejwe mu mujyi wa Kigali kuri uyu wa Gatanu, yamaze gushyira ahagaragara urutonde rw’abakinnyi 18 izifashisha mu mukino ubanza w’ijonjora ry’ibanze rya CAF Champions league izahuriramo na APR FC batarimo Umurundi Jules Ulimwengu.
Umukino uzabera kuri Stade ya Kigali i Nyamirambo ku wa Gatandatu tariki ya 28 Ugushyingo.
Uretse Jules Ulimwengu utagaragara mu bakinnyi Gor Mahia yamanukanye i Kigali, abandi bakinnyi bamenyerewe muri Gor Mahia gihera Kapiteni Kenneth Muguna, umuzamu Boniface Oluoch, myugariro Geoffrey Ochieng, Philemon Otieno na rutahizamu Tito Okello bose barahari.
