Minisiteri y’Ubuzima kuri uyu wa Gatandatu, yatangaje ko mu Rwanda habonetse abarwayi bashya 41 ba COVID-19, mu gihe abakize iki cyorezo ari 24.
Abarwayi bashya babonetse barimo 18 babonetse mu mujyi wa Kigali, 19 babonetse i Rubavu, mu gihe uturere twa Kirehe, Nyagatare, Rusizi na Gakenke twabonetsemo umuntu umwe muri buri kamwe.
Mu gihugu hose abanduye COVID-19 bamaze kugera kuri 6,084; muri bo 5,696 bakaba barakize.
Abitabye Imana bazize kiriya cyorezo ni 51, mu gihe abakikirwaye ari 337.
