Indege bwite (private jet) ni kimwe mu bikoresho byifashishwa n’Abakuru b’Ibihugu mu ngendo bakora, kukibona bigasaba amafaranga menshi kugira ngo kigurwe cyangwa se gikodeshwe by’igihe gito cyangwa kirekire.
Afurika ifite Abakuru b’Ibihugu bagenerwa izi ndege, ziboneka mu buryo bubiri tumaze kuvuga haruguru. Tugiye kubatangariza 7 muri bo, ubwoko bw’indege bakoresha, ibiciro n’ubushobozi bwazo, twifashishije imbuga zitandukanye zirimo Tuko, Airbus na Boeing.
João Lourenço-Angola
Uyu Mukuru w’Igihugu cya Angola agendera mu ndege ya Embraer ERJ-135 ifite agaciro ka miliyoni 16 z’amadolari ya Amerika.
Iyi ndege yakorewe muri Brazil ifite ubushobozi bwo gutwara abantu 37, ikaba igendera ku muvuduko ugera ku bilometero 834 ku isaha (834 km/h).
Uhuru Kenyatta-Kenya
Uyu Perezida wa Kenya agendera mu ndege ya Fokker 70 igura miliyoni 20 z’amadolari ya Amerika.
Iyi ndege yakorewe mu Buholandi ifite ubushobozi bwo gutwara abantu 25, igendera ku muvuduko ugera kuri 943 km/h.
Nana Akufo Addo-Ghana
Perezida Akufo wa Ghana agendera mu ndege ya Falcon 900 Ex Easy igura miliyoni 44 z’amadolari ya Amerika.
Iyi ndege yakorewe muri Leta Zunze Ubumwe za Amerika, ishobora gukora urugendo rw’amasaha 13, igendera ku muvuduko ugera kuri 950 km/h.
Abdel Fattah Al-Sisi-Misiri
Perezida Sissi wa Misiri agendera mu ndege ya Airbus A340-200, igura atari munsi ya miliyoni 191.3 z’amadolari ya Amerika.
Iyi ndege yakozwe n’uruganda rwa Airbus ifite ubushobozi bwo gutwara abagenzi 359 no kugendera ku muvuduko ugera kuri 871 km/h.
Abdelmadjid Tebboune-Algeria
Perezida Tebboune wa Algeria agendera mu ndege ya Airbus A340-500, igura miliyoni 297.5 z’amadolari ya Amerika.
Nk’uko ikigo cya Airbus kibyemeza, iyi ndege ibasha gukora urugendo rw’amasaha 18, ku muvuduko ugera kuri 913 km/h.
Muhammadu Buhari-Nigeria
Perezida Buhari wa Nigeria yagenderaga mu ndege ya Boeing 737 igura agera kuri miliyoni 121 z’amadolari ya Amerika.
Iyi ndege ifite ububasha bwo gukora urugendo rw’amasaha 12 ku munsi, igendera ku muvuduko wa 839 km/h.
Umwami Mohamed IV-Maroc
Uyu mwami agendera mu ndege ya Boeing 747-400 igura amafaranga agera kuri miliyoni zirenga 234 z’amadolari ya Amerika.
Iyi ndege nini cyane ifite ubushobozi bwo gutwara abantu 660, ikagendera ku muvuduko ugera kuri 988 km/h.
2 Responses
Afurika: Indege Abakuru b’Ibihugu 7 bagenderamo n’uko zirutana mu bushobozi
aba ni abaherwe kbsa,ikiza niuko aba ari iya Leta.
Afurika: Indege Abakuru b’Ibihugu 7 bagenderamo n’uko zirutana mu bushobozi
aba ni abaherwe kbsa,ikiza niuko aba ari iya Leta.