Impanuka polisi ivuga ko yatejwe n’ubunebwe bw’umushoferi yahitanye abantu 14 abandi barakomereka ubwo imodoka barimo yagonganye n’ikamyo ahitwa Kiini mu Ntara ya Singida muri Tanzania. Iyi mpanuka yaturutse ku kugongana kw’imodoka y’abagenzi ntoya yagonganye n’ikamyo yari ivuye i Dar- Es Salaam igana Kahama. Umuyobozi wa Polisi mu Ntara ya Singida, Sweetbert Njewika avuga ko iyi mpanuka yatewe n’ubunebwe. Ati ” Iyi mpanuka yavuye ku bunebwe bw’umushoferi wari utwaye abagenzi. Yabonye imodoka igiye gukora impanuka, ntiyafata umwanzuro nibura wo kuyikumira, ahubwo ayishoramo, ziragongana uko byakabaye.” Perezida wa Tanzania, Dr Pombe Magufuli yihanganishije imiryango yaburiye ababo muri iyi mpanuka ubwo bajtaga mu bukwe.
