Umutoza José Mourinho mu gice cya mbere cy’umukino ikipe ye ya Tottenham yaraye itsinzwemo na Liverpool, yaraye itanze amapase 75 mu minota 45 y’igice cya mbere, aca agahigo ko gutanga pase nke mu mukino yaherukaga muri 2012 ubwo yatozaga Real Madrid.
Icyo gihe Real Madrid yakinaga na FC Barcelona itanga amapase 54 mu minota 45 y’umukino, ariko birangira ayitsinze ibitego 2-1.
Iminota 45 y’umukino Mourinho yaraye akinnyemo na Liverpool, yarangiye amakipe yombi anganya igitego 1-1.
Umunya-Misiri Mohamed Salah ni we wari wafunguriye Liverpool amazamu ku munota wa 21 w’umukino, icyo gitego kiza kwishyurwa n’Umunya-Koreya y’Epfo Heung-Min Son.
Liverpool yarushaga Tottenham mu mpande zose z’ikibuga yabonye igitego cy’insinzi ku munota wa 90 biciye ku munya-Brésil Roberto Firmino, ku mupira wari uturutse kuri koruneri yari itewe na Andrew Robertson awushyira mu izamu n’umutwe.
Gutsinda Tottenham byatumye Liverpool y’umutoza Jürgen Klopp iyobora Shampiyona y’Abongereza n’amanota 29, ikaba irusha atatu Tottenham iyikurikiye.
