Umunya-Pologne Robert Lewandowski, yegukanye igihembo cy’umukinnyi w’umupira w’amaguru wahize abandi ku Isi mu mwaka w’imikino wa 2019/20, ahigitse Lionel Messi na Cristiano Ronaldo bari bagihataniye.
Lewandowski yegukanye iki gihembo gitangwa na FIFA nyuma yo gufasha Bayern Munich gutwara ibikombe byose bikinirwa mu Budage no ku mugabane w’Uburayi.
Ni ku ncuro ya mbere uyu mugabo yegukanye kiriya gihembo.
Umuhango wo guhemba abakinnyi n’abatoza bahize abandi mu mupira w’amaguru wabaye kuri uyu wa kane hifashishijwe ikoranabuhanga, kubera icyorezo cya COVID-19.
Mu bandi begukanye ibihembo:
– Umuzamu w’umwaka mu bagabo yabaye Manuel Neuer wa Bayern Munich
– Umuzamu w’umwaka mu bagore ni Sarah Bouhaddi wa Lyon.
– Umukinnyi w’umwaka mu bagore ni Umwongereza Lucy Bronze ukinira Manchester City.
– Umutoza w’umwaka mu bagabo ni Jurgen Klopp wa Liverpool wegukanye iki gihembo ku ncuro yikurikiranya, ahigitse abarimo Hans Flick wa Bayern Munich.
– Umutoza w’umwaka mu bari n’abategarugori yabaye Sarina Wiegman utoza ikipe y’Igihugu y’Abaholandi.
– Igihembo cy’uwagaragaje Fair play cyegukanwe na Mattia Agnese warokoye ubuzima bwa mugenzi we bari bahanganye, nyuma yo kugwa igihumure.
– Umufana w’umwaka we yabaye uwitwa Malvardo, mu gihe igitego cy’umwaka cyabaye icyo Heung-Min Son wa Tottenham yatsinze Burnley muri shampiyona y’Abongereza.
FIFA kandi yatangaje ikipe y’abakinnyi 11 bahize abandi, barimo:
Umuzamu:Alisson Becker
Ba myugariro: Sergio Ramos, Virgil van Dijk, Trent Alexander-Arnold na Alphonso Davies.
Abakina hagati: Kevin De Bruyne, Joshua Kimmich na Thiago Alcântara.
Abataha izamu: Lionel Messi, Cristiano Ronaldo na Robert Lewandowski.
Ikipe ya 11 beza b’umwaka ” align=”center” />
