Minisiteri y’Ubuzima (MINISANTE) kuri uyu wa Gatatu yatangaje ko mu gihugu hose habonetse abarwayi bashya 87 ba COVID-19, mu gihe nta n’umwe wakize kiriya cyorezo.
Abarwayi bashya babonetse biganjemo abo mu mujyi wa Kigali wabonetsemo 71, i Rubavu habonetse 9, 5 b’i Huye, 1 w’i Rusizi n’undi w’i Nyanza.
Uyu munsi nta muntu mu Rwanda wishwe n’icyorezo cya COVID-19 kimwe n’uko nta wagikize.
Mu gihugu hose abanduye bahise baba 7,598; barimo abamaze gukira 6,163; bigasobanura ko abakirwaye ari 1,369.
Abamaze guhitanwa na COVID-19 mu Rwanda ni 66 bangana na 0.9% by’abayanduye bose.
Abanyarwanda nk’ibisanzwe turashishikarizwa kwimakaza amabwiriza yatuma COVID-19 itabona urwaho, bityo ikaba yakwirakwira ahantu hose.
